Օրբանը ասել է, որ սպասում է Թրամփին նախքան Ռուսաստանի դեմ պատժամիջոցների երկարաձգումը
Հունգարիայի վարչապետ Վիկտոր Օրբանը ԵՄ առաջնորդներին ասել է, որ մտադիր է սպասել ԱՄՆ նորընտիր նախագահ Դոնալդ Թրամփի երդմնակալությանը հունվարի 20-ին և միայն դրանից հետո որոշում կայացնել Ռուսաստանի դեմ ԵՄ պատժամիջոցների երկարաձգման մասին, հայտնել է «Bloomberg»-ը՝ վկայակոչելով աղբյուրներին։Եվրամիությունը Ռուսաստանի դեմ պատժամիջոցների 15 փաթեթ է ներկայացրել, որոնք պետք է երկարացվեն վեց ամիսը մեկ։ Հաջորդ անգամ դա արվելու է հունվարի վերջին՝ Թրամփի՝ Միացյալ Նահանգների նախագահի պաշտոնը ստանձնելուց 11 օր անց։
Սահմանափակումները երկարաձգելու համար անհրաժեշտ է ԵՄ 27 երկրների միաձայն որոշումը, և Օրբանը կարող է վետո դնել, գրել է «Bloomberg»-ը։
Դեկտեմբերի 19-ին ԵՄ գագաթնաժողովի ավարտին Հունգարիայի վարչապետը «զարմացրել է իր գործընկերներին»՝ ասելով, որ պատրաստ չէ երկարաձգել պատժամիջոցները, նշել են գործակալության զրուցակիցները։
