22 նահանգ վիճարկում է Թրամփի` ծնելիության հիմքով ԱՄՆ քաղաքացիություն տրամադրելու սահմանափակման հրամանը
ԱՄՆ նախագահ Դոնալդ Թրամփի՝ ծննդյան իրավունքով քաղաքացիությունը սահմանափակելու հրամանը վիճարկել է 22 նահանգ, հայտնել է Reuters-ը։Հունվարի 20-ին հանրապետականը հրաման է ստորագրել, որն արգելում է դաշնային գործակալություններին փաստաթղթեր տրամադրել, որոնք սովորաբար տրամադրվում են ԱՄՆ քաղաքացիներին: Դա կվերաբերի այս միջոցառման ներդրումից 30 օր հետո ծնված երեխաներին։
Բացի այդ, քաղաքացիության սահմանափակումը կվերաբերի այն երեխաներին, որոնց ծնողներն անօրինական կերպով են բնակվում ԱՄՆ-ում։ Նոր միջոցառումները կկիրառվեն այն իրավիճակներում, երբ մայրը ժամանակավորապես է ԱՄՆ-ում, օրինակ՝ վիզայով, իսկ հայրը երկրի քաղաքացի չէ։
Հրամանը վիճարկել են «Դեմոկրատական» նահանգները՝ Կալիֆոռնիան, Կոնեկտիկուտը, Դելավերը, Հավայան կղզիները, Մենը, Մերիլենդը, նաև Կոլումբիայի շրջանը և Սան Ֆրանցիսկո քաղաքը: Հայցվորները պնդում են, որ Թրամփը խախտել է ԱՄՆ Սահմանադրությունը:
Եթե Թրամփի հրամանը հաստատվի, ապա առաջին անգամ ԱՄՆ-ում տարեկան ծնված ավելի քան 150,000 երեխաների քաղաքացիության իրավունքը կչեղարկվի, հայտնել է Մասաչուսեթսի գլխավոր դատախազ Անդրեա Ջոյ Քեմփբելի գրասենյակը:
Եթե Թրամփի հրամանը հաստատվի, ապա առաջին անգամ ԱՄՆ-ում տարեկան ծնված ավելի քան 150,000 երեխաների քաղաքացիության իրավունքը կչեղարկվի, հայտնել է Մասաչուսեթսի գլխավոր դատախազ Անդրեա Ջոյ Քեմփբելի գրասենյակը:
«Նախագահ Թրամփը իրավասու չէ խլել սահմանադրական իրավունքները»,-ասել է նա իր հայտարարության մեջ:
