Տեսանյութ.Այո պետք է հենց այդպես էլ վերաբերվել, Անդրանիկ Քոչարյանը՝ բանակին «սրբության սրբոց» վերաբերվելու մասին
«Այո, պետք է հենց այդպես էլ վերաբերվել, եթե այդպես չվերաբերվենք, բանակը չի լինի այնպիսին, որ պաշտպանի մեզ յուրաքանչյուրից»,- ասաց ՀՀ ԱԺ Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը, պատասխանելով լրագրողի դիտարկմանը՝ արդյո՞ք չի հակասում Փաշինյանի այն հայտարարությունը, որ չպետք է սրբադասել բանակը և Վազգեն Սարգսյանի այն հայտարարությունը, որ պետք է սրբության սրբոց համարել բանակը:Հարցին, այդ դեպքում ինչու չընդդիմացավ, երբ Փաշինյանն ԱԺ-ում անում էր այդ հայտարարությունը, պատգամավորը նշեց.«Ես որտեղ որ պետք է, գտնում եմ տարբերակներ՝ իմ կարծիքը հնչեցնելու:
Բանակը 1994-ից հետո լրիվ այլ վիճակի էր բերված, իսկ վաղվա բանակը պետք է լինի այնպիսին, որ նման խնդիրներ չլինեն, որոնք եղան 44-օրյայի ժամանակ: Մենք պետք է այսօր մտածենք այն խորհուրդի մասին, որն այսօր մեզ բոլորիս բերել է այստեղ։ Մենք պետք է կառուցենք այն բանակը, որ մեզ կպահի ամուր դիրքերում: Այսօրվա խորհուրդը միավորող խորհուրդ պետք է լինի, որի հիմքերը դրվել է 90-ականներին: Մենք բանակի հաղթանակների համար պարտական ենք մեր ժողովրդին, բոլորին, որ մեր ժողովուրդը, զրկանքներ կրելով, տվեց հնարավորություն, որպեսզի այդ բանակը կերտի հաղթանակներ»,-ասաց նա:
