Զելենսկին հայտարարել է, որ պատրաստ է Պուտինի հետ բանակցությունների և հնարավորություններ կան 2025թ-ին հակամարտությունը դադարեցնելու համար
Ուկրաինայի նախագահ Վլադիմիր Զելենսկին հայտարարել է, որ պատրաստ է Ռուսաստանի նախագահ Վլադիմիր Պուտինի հետ բանակցությունների՝ պայմանով, որ Եվրոպան և ԱՄՆ-ը չդադարեցնեն աջակցել Կիևին։ «Եթե ես հասկանամ, որ Ամերիկան և Եվրոպան մեզ չեն լքի, կաջակցեն և անվտանգության երաշխիքներ կտան, ապա ես պատրաստ կլինեմ բանակցությունների ցանկացած ձևաչափի»,- ասել է նա։
Նա ընդգծել է, որ բոլոր հնարավորությունները կան 2025 թվականին հակամարտությունը դադարեցնելու համար, ԱՄՆ նախագահ Դոնալդ Թրամփը նույնպես ցանկանում է իրավիճակի արագ լուծում։
Զելենսկին նաև նշել է, որ ուկրաինացիները դեմ են հակամարտության ընթացքում նախագահական ընտրությունների անցկացմանը։
