Տեսանյութ.Ես էլ Մոնիկա Բելուչիի հանդեպ անտարբեր չեմ, ինչ անենք՝ նախաձեռնություն սկսենք, ստորագրահավաք անենք
Պարոն Զեյնալյան, ասում եք սա ժողովրդի նախաձեռնությունն է, «Հայաքվե»-ն ժողովրդի կամքը չէ՞ր, կամ տիկին Թովմասյանի կազմակերպած ստորագրահավաքը՝ արցախցիներին օժանդակելու հետ կապված, ժողովրդինը չէ՞ր, պետք չէ այստեղ կանգնել ասել ժողովրդի պահանջն է: Այս մասին ԱԺ-ում ԵՄ-ին անդամակցելու օրինագծի քննարկման ժամանակ ասաց Գառնիկ Դանիելյանը:«Շատ հարցեր կան տնտեսության հետ կապված, մենք Եվրոպա շատ քիչ քանակությամբ ապրանք ենք արտահանում, պարզ է չէ, որ չենք կարող համ այստեղ լիենք, համ այնտեղ: Մեր ապրանքաշրջանառությունը 10 մլրդից ավելի է, կարող է տնտեսությունը փլուզվել: Հիմա այս ամեն ինչին չեք ուզում անդրադառնալ, բայց ուզում ենք գնալ Եվրոպա: Ես էլ, ի դեպ, Մոնիկա Բելուչիի նկատմամբ անտարբեր չեմ, ի՞նչ անենք, եկեք ստորագրահավաք անենք, նախաձեռնություն սկսենք»,-ասաց նա:
