Վարդան Ղուկասյանը բերման է ենթարկվել ապօրինի զենք պահելու կասկածանքով
Ձերբակալվել է Գյումրիի նախկին քաղաքապետ Վարդան Ղուկասյանը և նրա թիկնապահը։ ՆԳՆ-ից հայտնում են, որ երկու անձ ապօրինի զենք- զինամթերք պահելու կասկածանքով բերվել է ՔՈ Շիրակի մարզային վարչություն։Հիշեցնենք, որ ավելի վաղ հայտնել էինք, որ Գյումրիում բերման են ենթարկվել Վարդան Ղուկասյանը և իր թիկնապահը:
Հայտնում ենք, որ քիչ առաջ ապօրինի կերպով քրեական ոստիկանության հատուկ ջոկատայինների կողմից բերման են ենթարկվել Վարդան Ղուկասյանը և իր թիկնապահը: Այս մասին գրված է Գյումրու նախկին քաղաքապետ Վարդան Ղուկասյանի ֆեյսբուքյան պաշտոնական էջում:
«Սա օրվա իշխանական պարագլխի հրամանով կատարված գործողություն է` ուղղված լռեցնելու գյումրեցու ձայնը: Մարզային վարչության շենքի դուռը կրկին ապօրինաբար փակվել է Վարդան Ղուկասյանի փաստաբանի առջև: Կոչ ենք անում բոլոր գյումրեցիներին ինքնաբուխ կերպով հավաքվել շինության մուտքի մոտ»,-ասված է գրառման մեջ:
․․․․․
Գյումրիի նախկին քաղաքապետ Վարդան Ղուկասյանն ու նրա թիկնապահը ոստիկանությունից ազատ են արձակվել։ Այս մասին լրատվամիջոցներին հայտնել են ՆԳՆ-ից։
