Ովքեր մտավախություն ունեն, որ բուժաշխատողներին ստիպում եմ ընտրել ՔՊ թեկնածուին, հորդորում եմ դիմեն իրավապահ մարմիններին
Առողջապահության նախարար Անահիտ Ավանաեսյանը կառավարության նիստից հետո լրագրողների հետ ճեպազրույցի ժամանակ անդրադարձել է հարցին, թե ինքը ստիպում է բուժաշխատողներին Գյումրու քաղաքապետի ընտրություններին իրենց ձայնը տան ՔՊ-ական թեկնածուին՝ Սարիկ Մինասյանին:«Այդ անձինք, ովքեր որ այդ մտավախություններն ունեն նախ հորդորում եմ շատ հրատապ կերպով հայտնել իրավապահ մարմիններին, չվերագրել անձանց մի բան, որի մեջ իրենք են շատ լավ մասնագիտացած եղել»,- ասաց նա:
Անդրադառնալով իր Գյումրի մեկնելուն՝ ՔՊ-ի թիմի հետ և Գյումրիում դրամահավաքին մասնակցելուն, նախարարն ասաց. «Կիրակի օրն եմ գնացել Գյումրի, ոչ աշխատանքային օրով: Այո, մասնակցել եմ քարոզարշավի համար դրամահավաքի: Կներեք՝ նախարարը և կառավարությունը քաղաքական մարմին են և չեն կարող լինել ապաքաղաքական: Բայց բացառվում է նման հրահանգ, որևէ ուղղորդում, որովհետև դրա կարիք չկա էլ»:
