100 օրվա ընթացքում ԱՄՆ նոր վարչակազմն այնքան մեծ վնաս և ավերածություն է հասցրել
Ջո Բայդենը իր առաջին ելույթն է ունեցել պաշտոնը լքելուց հետո։ Նա քննադատել է Դոնալդ Թրամփի վարչակազմի քաղաքականությունը:ԱՄՆ նախկին նախագահը ելույթ է ունեցել Չիկագոյում կայացած համաժողովի ժամանակ, որը նվիրված է եղել հաշմանդամություն ունեցող մարդկանց իրավունքներին։
Նա ասել է, որ կառավարությունը ջախջախիչ հարված է հասցրել սոցիալական ապահովության համակարգին:
«100 օրվա ընթացքում այս նոր վարչակազմն այնքան մեծ վնաս և ավերածություն է հասցրել, որ շունչ է կտրում», - ասել է Բայդենը:
Նա սոցիալական ապահովությունն անվանել է «սրբազան պարտականություն» և ընդգծել, որ այն մեծ նշանակություն ունի մարդկանց կյանքի համար։ ԱՄՆ նախկին ղեկավարի խոսքով՝ ամերիկյան ժողովուրդը երբեք այսքան պառակտված չի եղել, և միայն երեսուն տոկոսն է գոհ ներկա վիճակից:
