Թուրքիայում ռուս զբոսաշրջիկներով ավտոբուսը վթարի է ենթարկվել. կա 19 տուժած
Թուրքիայում ռուս զբոսաշրջիկներ տեղափոխող ավտոբուս է շրջվել։ Այս մասին հայտնում է Мash տելեգրամյան ալիքը։ Վիրավորվել են 18 ռուսաստանցիներ և ավտոբուսի վարորդը։Ավտոբուսում ընդհանուր առմամբ եղել է 25 մարդ, որոնք Անթալիայի օդանավակայանից ուղևորվում էին Սիդե քաղաքի հյուրանոցներ։
Հաղորդվում է, որ ճանապարհին ավտոբուսի վարորդը կորցրել է կառավարումը և ընկել է Յորուք Մուստաֆա Բեյի պողոտայի վրա գտնվող ջրատարը, հետո ավտոբուսը մխրճվել ջերմատան մեջ։ 19 տուժած տեղափոխվել է հիվանդանոցներ։
