Ուկրաինական հակամարտության հարցում Թրամփի «համբերությունը սպառվել է»
Անկարայում ԱՄՆ դեսպան Թոմ Բարաքը կարծում է, որ Թուրքիան կարող է կազմակերպել ԱՄՆ-ի, Ռուսաստանի, Թուրքիայի և Ուկրաինայի առաջնորդների քառակողմ հանդիպում՝ ուկրաինական հակամարտությունը լուծելու համար: Միևնույն ժամանակ նա ասել է, որ ԱՄՆ նախագահ Թրամփի «համբերությունը սպառվել է» կարգավորման ժամկետների հարցում:«Նախագահ Թրամփի համբերությունը սպառվել է։ Ընդհանուր առմամբ, չի կարելի ասել, որ նա շատ համբերատար է։ Թուրքիային գործընթացում ներգրավելու և մի շարք խնդիրների վերացման դեպքում կարող է տեղի ունենալ գագաթնաժողով։ Եվ կարծում եմ, որ մենք կարող ենք գտնել խնդրի լուծում, որը կբավարարի բոլորին»,-ասել է դեսպանը։
