Իսրայելը չէր կարող հարձակում գործել Իրանի վրա առանց ԱՄՆ-ի թույլտվության
Իսրայելը չէր կարող հարձակում գործել Իրանի վրա առանց ԱՄՆ-ի թույլտվության և Վաշինգտոնի հետ համակարգման։ Այս մասին, ТАСС-ի փոխանցմամբ, ասել է Իրանի արտաքին գործերի նախարար Աբբաս Արաղչին։«Այս ագրեսիան հնարավոր չէր լինի առանց ԱՄՆ-ի հետ համակարգման և նրանց կողմից կանաչ լույսի։ ԱՄՆ կառավարությունը, որպես սիոնիստական ռեժիմի գլխավոր աջակից, պատասխանատվություն է կրում ագրեսիայի վտանգավոր հետևանքների համար։ ՄԱԿ-ի կանոնադրության 51-րդ հոդվածի համաձայն՝ Իրանն ունի օրինական իրավունք արձագանքելու այս ագրեսիային, և Իրանի Իսլամական Հանրապետության զինված ուժերը կպաշտպանեն երկրի ինքնիշխանությունը իրենց ողջ ուժով», - ասել է Արաղչին Սաուդյան Արաբիայի արտաքին գործերի նախարար արքայազն Ֆեյսալ բին Ֆարհան ալ Սաուդի հետ հեռախոսազրույցի ժամանակ։
Արաղչին կոչ է արել Միջազգային ատոմային էներգիայի գործակալության (ՄԱԳԱՏԷ) գլխավոր տնօրեն Ռաֆայել Գրոսիին «հստակ դիրքորոշում ընդունել և դատապարտել սիոնիստական ռեժիմի ագրեսիվ արարքը»։
