Այն գործողությունները, որոնք կատարում է Փաշինյանը, դուրս են սահմանադրական կարգից
Սահմանադրությունը սահմանում է, որ ՀԱՍԵ-ն ունի առանձնահատուկ դեր, բացառիկ առաքելություն մեր հոգևոր կյանքում։ Դա նշանակում է, որ պետական ցանկացած մարմին՝ հանրային իշխանությունն ամբողջությամբ վերցրած, առնվազն իրեն չպետք է թույլ տա որևէ միջամտություն ցուցաբերել ՀԱՍԵ գործերին։ Այս մասին լրագրողների հետ զրույցում ասաց սահմանադրագետ Վարդան Պողոսյանը։«Այն գործողությունները, որոնք կատարում է Փաշինյանը, դուրս են սահմանադրական կարգից, քանի որ նա լիազորված չէ որպես ՀՀ վարչապետ միջամտել, մասնավորապես, Հայ առաքելական սուրբ եկեղեցու ներքին ինքնավարությանը, գործերին։ Մեր Սահմանադրության 41-րդ հոդվածի 4-րդ մասը նաև հստակ սահմանում է, որ կրոնական կազմակերպություններն ունեն ինքնավարություն»,-նշեց նա։
