Նեթանյահուն հայտարարել է, թե Իսրայելն ավելի վաղ ճանաչել է Հայոց ցեղասպանությունը
Իսրայելի վարչապետ Բենյամին Նեթանյահուն հայտարարել է, որ Իսրայելն ավելի վաղ ճանաչել է Հայոց ցեղասպանությունը: Նման հայտարարությամբ նա հանդես է եկել փոդքաստի ժամանակ, երբ լրագրողը հարցրել է, թե ինչու Իսրայելը չի ճանաչում Հայոց ցեղասպանությունը։ Ի պատասխան Նեթանյահուն ասել է.«Կարծում եմ՝ փաստացի ճանաչել ենք։ Քնեսեթը նմանատիպ բանաձև է ընդունել»:
Հարցին, թե ինչո՞ւ Իսրայելի ոչ մի վարչապետ չի ճանաչում Օսմանյան կայսրության կողմից 20-րդ դարի սկզբին իրականացված ցեղասպանությունը հայերի, ասորիների և հույների նկատմամբ, Նեթանյահուն արձագանքել է. «Ես հենց նոր ճանաչեցի։ Ահա, խնդրեմ»։
Սակայն Քնեսեթը նման օրենք չի ընդունել։
