Խուզարկություններ են դատավորների բնակարաններում և աշխատասենյակներում, կան ձերբակալվածներ
Վարչական դատարանի նախկին նախագահ Արգիշտի Ղազարյանը բերման է ենթարկվել։Հակակոռուպցիոն կոմիտեի քննիչները վարչական դատարանում խուզարկություններ են իրականացրել Ղազարյանի աշխատասենյակում, ինչից հետո ձերբակալել նրան։
Քննիչները նաև երեք դատավորի աշխատասենյակներում և բնակարաններում են խուզարկություններ իրականացրել։
Հակակոռուպցիոն կոմիտեից հայտնել են, որ դատական իշխանության ներկայացուցիչների բնակարաններում և աշխատասենյակներում խուզարկություններն իրականացվել են առանձնապես խոշոր չափերով կաշառք ստանալու փաստի առթիվ նախաձեռնված քրեական վարույթի շրջանակներում։
Ձերբակալվել են մի շարք անձինք, այդ թվում՝ փաստաբան։
...
«Փաստինֆո»-ի տեղեկություններով՝ Վարչական դատարանի նախկին նախագահ Արգիշտի Ղազարյանի անունը շոշափող քրեական վարույթով ձերբակալված փաստաբանը Արմեն Օհանյանն է։
