Թուրքիան փակել է իր օդային տարածքը իսրայելական ինքնաթիռների համար
Թուրքիայի արտաքին գործերի նախարար Հաքան Ֆիդանը հայտարարել է, որ Թուրքիան փակել է իր օդային տարածքը Իսրայելի համար։«Մենք թույլ չենք տալիս իսրայելական ինքնաթիռներին մուտք գործել մեր օդային տարածք», – ասել է Ֆիդանը Թուրքիայի խորհրդարանի արտահերթ նիստում, որտեղ քննարկվում է Գազայի հատվածում տիրող իրավիճակը։
Ըստ Թուրքիայի արտաքին գործերի նախարարի՝ Իսրայելը խոչընդոտում է մարդասիրական օգնության բաշխմանը Գազայում՝ «օգտագործելով սովը որպես զենք»։ «Իսրայելը շարունակում է իրականացնել պետական ահաբեկչություն։ Գազայում ցեղասպանությունը սրվում է»,–նշել է Ֆիդանը։
