ՔՊ-ի ռեյտինգը խայտառակ ցածր է, մի հատ նորմալ մարդ դիմացը դնենք, նայենք հլը բարձր կլինի
ՔՊ-ի ռեյտինգը խայտառակ ցածր է, խայտառակ, իրենք թող հա մտածեն իրենց մասին, ուղղակի ուզում են հույս տալ իրենց: Այս մասին դատարանի բակում լրագրողների հետ զրույցում ասաց Գյումրու քաղաքապետ Վարդան Ղուկասյանը:«Այ, ես այս հիմիկվանից ասում եմ՝ խայտառակություն է ձեր ռեյտինգը, մտածե՛ք ձեր մասին, դատարանները բացե՛ք, գաղութները բացե՛ք, մարդկանց՝ այդ քաղբանդարկյալներին հանեք, եպիսկոպոսներին բանտարկում եք: Այսքանից հետո ռեյտինգ կարող է ունենա՞ն: Մեզ պես մարդկանց բոլորին լցրել եք դատարանները, ամբողջ երկրի քաշող ուժը դատարաններում է լցված: Չգիտեմ՝ երկիր եք տալիս ու կարող է ձեր ռեյտինգը բարձր լինի՞: Մի հատ նորմալ մարդ դիմացը դնենք, նայենք հլը բարձր կլինի՞, թե՝ չի լինի»,- ասաց Ղուկասյանը:
Անդրադառնալով Փաշինյանի հայտարարած սեպտեմբեր-հոկտեմբեր ամսիներին սպասվող «հոգևոր հավաքին»` Ղուկասյանն ասաց. «Երկիրը, որ ուզում են քանդել, քանդում են եկեղեցին և քանդում են ընտանիքը: Հիմա իրենք դա անում են, որովհետև հանձնարարական են ստացել դրսի ուժերից։ Երկիրը պահում է եկեղեցին և ընտանիքը, մեր հայ ազգը ու դպրոցը:
Ժողովուրդը շատ լավ հասկանում է, դուք քանդում եք Հայաստանի Հանրապետությունը: Դա էլ չի ստացվի, որովհետև այս ազգի տերն Աստված է»,- ասաց նա:
