Իշխան Սաղաթելյանը «Հայաստան» խմբակցության պատգամավորների ստորագրությունները փոխանցեց «Պատիվ ունեմ» խմբակցությանը
Իշխան Սաղաթելյանը «Հայաստան» խմբակցության պատգամավորների ստորագրությունները փոխանցեց «Պատիվ ունեմ» խմբակցությանը, որպեսզի կցեն իրենց նախագծին:Նա ընդգծեց, որ «Հայաստան» խմբակցությունն ամբողջությամբ կիսում են այն նախագիծը, որ ներկայացվել է ԱԺ։
«Վերահաստատում ենք այն դիրքորոշումը, որ Փաշինյանի կառավարման ժամանակահատվածում բազմաթիվ անգամ խախտվել է մեր երկրի սահմանադրական կարգը, Փաշինյանը գործել է պետական դավաճանության հատկանիշներով և ՆԻկոլ Փաշինյանին պաշտոնազրկելու իրավաքաղաքական հիմքերը անհերքելի են»,-ասաց նա՝ ընդգծելով, որ իրենք կողմ են քվեարկելու նախագծին։
Նա նաև ընդգծեց, որ «Պատիվ ունեմը»՝ ի դեմս ՀՀԿ-ի, ստանձնել է գործընթացի քաղաքական պատասխանատվությունը և հայտարարել իմպիչմենթի գործընթաց սկսելու մասին։ «Մեր դիրքորոշումը եղել է այն, որ մենք միանում ենք գործընթացին, հրապարակել ենք ստորագրությունները, ասել ենք՝ եկեք արձանագրենք, որ «Հայաստան» խմբակցությունը միացած է և կենտրոնանանք իշխանական պատգամավորների վրա՝ փորձելով ունենալ պակասող ստորագրությունները և սկսենք գործընթաց։ Անցել է 3-4 ամսի, և մեր գործընկերները հայտարարել են որ պրոցեսը չի ընդլայնվում և առաջ չի գնում նաև այն պատճառով որ «Հայաստանի» պատգամավորները չեն ստորագրել այն ձևաթղթի տակ, որ ներկայացրել է «Պատիվ ունեմը»։ Նաև հայտարարություն է եղել, որ իշխանական պատգամավորներից շատերը չեն միանում, որովհետև այդ ձևաթղթի տակ չկա մեր ստորագրությունը»,-ասաց նա՝ փոխանցելով ստորագրությունները և ընդգծելով, որ իրենց ստորագրությունները կային ինչպես 3 ամիս առաջ առաջ, այնպես էլ հիմա։
Միանաժամանկ, նա ընդգծեց, որ կա 2 խմբակցությունների ստորագրություն և կան իրավաքաղաքական հիմերը, բայց իրենք ակնկալում են ողջամիտ ժամանակահատվածում լրացնել պակասող ստորագրությունները և գործընթացի իրական մեկնարկը տալ՝ բնականաբար ունենալով մեր ամբողջական առակցությունը։ «Ակնկալում ենք գործնական լուծումներ, առաջարկներ, անելիքներ ու նաև ճանապարհային քարտեզ»։
«Պատիվ ունեմ»-իմբակցության ղեկավար Հայկ Մամիջանյանն արձանագրեց, որ «Հայաստան» խմբակցությունը միացավ գործընթացին և ընդգծեց, որ նախագիծը մուտք է արվելու բացառապես 54 ստորագրություն ունենալու դեպքում։
