Իմաստ ունի Ադրբեջանի նախագահը պարզաբանի ի՞նչ իմաստ ունի «Զանգեզուրի միջանցք» արտահայտությունն օգտագործելը
.jpg "Իմաստ ունի Ադրբեջանի նախագահը պարզաբանի ի՞նչ իմաստ ունի «Զանգեզուրի միջանցք» արտահայտությունն օգտագործելը")
«TRIPP ուղի ենթակառուցվածքային նախագիծը բխում է հենց խաղաղության խաչմերուկ ծրագրից, որի կարողությունների զարգացման վերաբերյալ նախագահ Թրամփի հետ երկկողմ հուշագիր ստորագրեցինք օգոստոսի 8-ին Վաշինգտոնում»,-ՄԱԿ ԳԱ 80–րդ նստաշրջանում հայտարարել է ՀՀ վարչապետ Նիկոլ Փաշինյանն ընդգծելով, որ Հայաստանի և Ադրբեջանի միջև հաղորդակցությունների բացումը տեղի է ունենալու ինքնիշխանության, տարածքային ամբողջականության և իրավազորության հարգման վրա։ «Ադրբեջանի նախագահը, ում հետ ընդունել ենք Վաշինգտոնյան հռչակագիրը, դրանից հետո մի քանի անգամ, այդ թվում՝ այս ամբիոնից, օգտագործել է այսպես կոչված «Զանգեզուրի միջանցք» արտահայտությունը։ Նման արտահայտություն Վաշինգտոնում համաձայնեցված փաստաթղթերում չկա: Կարծում եմ՝ իմաստ ունի ադրբեջանցի գործընկերս պարզաբանի՝ ինչ իմաստ ունի այդ արտահայությունն օգտագործել, որովհետև հայաստանյան իրականության մեջ դա ընկալվում է որպես տարածքային պահանջ Հայաստանից»,- ասել է Փաշինյանը։
