Խաղաղության մթնոլորտը նպաստավոր պայմաններ պետք է ստեղծի, որ կարողանանք լուծել Ադրբեջանում պահվող մեր հայրենակիցների վերադարձի հարցը
Մենք ասել ենք, որ խորը մտահոգություններ ունենք Բաքվում տեղի ունեցող դատավարության վերաբերյալ, և խաղաղության մթնոլորտը նպաստավոր պայմաններ պետք է ստեղծի, որ կարողանանք լուծել Ադրբեջանում պահվող մեր բոլոր հայրենակիցների իրենց տուն վերադարձի հարցը։ Այս մասին խորհրդարանական ճեպազրույցների ժամանակ ասել է ԱԺ ՔՊ խմբակցության քարտուղարը Արթուր Հովհաննիսյանը անդրադառնալով այն հարցին, թե արդյոք խաղաղության գնացող երկրի ձեռագի՞ր է Բաքվում գտնվող հայ գերիների համար դատախազի պահանջած պատժաչափերը:«Մենք հույս ունենք, որ առաջիկա գործընթացները, որոնք խաղաղության մասին են, կհեշտացնեն գործընթացները և մթնոլորտ և միջավայր կստեղծեն, որպեսզի մեր բոլոր հայրենակիցները վերադառնան տուն»,-եզրափակել է Հովհաննիսյանը:
