Ինչներիս է պետք կանխիկ փողը, կանխիկով մարդիկ կաշառք են տալիս, փակեք էդ խանութը, այդ խանութում պետք է առևտուր չլինի
Ինչների՞ս է պետք կանխիկ փողը, մարդիկ կանխիկով կաշառք են տալիս, ստվերային առևտուր են անում: Այս մասին կառավարության այսօրվա նիստի ընթացքում ասել է վարչապետ Նիկոլ Փաշինյանը:«Վարչապետի աշխատակազմից գնացել են բան առնելու, ասել են՝ եթե կանխիկով կտաք փողը ուրիշ գին է, եթե քարտով՝ ուրիշ: Ես գնալով ավելի եմ հակվում, որ կանխիկի հարցը պիտի լուծենք»,- նշել է Փաշինյանը:
Անդրադառնալով վերոհիշյալ խանութի դեպքին, Փաշինյանն ասել է, որ պետք է փակել այդ խանութը. «Գտեք ձևը ու փակեք էդ խանութը, այդ խանութում պետք է առևտուր չլինի: Իմ վրա եմ վերցնում անձնական պատասխանատվությունը, ստուգելու եմ, ամեն օր կողքով անցնելու եմ: Մինչև անձնական թույլտվությունս չլինի՝ այդ խանութը պիտի չբացվի»:
