Արզնիի խճուղու սկզբնամասում բախվել են 2 «Kia» մակնիշի ավտոմեքենա
Այսօր՝ մարտի 15-ին, ավտովթար է տեղի ունեցել Կոտայքի մարզում։ Ժամը 13։00-ի սահմաններում Նոր Հաճնից դեպի Բալահովիտ քաղաք տանող ճանապարհին՝ Արզնիի խճուղու սկզբնամասում, բախվել են 2 «Kia» մակնիշի ավտոմեքենա։Ինչպես հայտնում է Shamshyan.com-ը, վթարի հետևանքով տուժել է 2 հոգի։ Բժիշկները վիրավորներից 2-ին նախ տեղում օգնություն են ցուցաբերել, ապա մեկին տեղափոխել հիվանդանոց, իսկ մյուսը հրաժարվել է հիվանդանոց մեկնելուց։
