Ես հաշտ չէի Աննայի որոշման հետ, ջանքեր եմ գործադրել ու ուրախ եմ, որ ևս մեկ շանս ունեմ ընտանիքս պահպանելու
Ես ասացի, որ ես հարգում եմ Աննայի որոշումը, բայց չասացի, որ հաշտ եմ դրա հետ:Այս մասին այսօր՝ ապրիլի 23-ին, Կառավարության նիստից հետո լրագրողների հետ զրույցում ասաց Փաշինյանը՝ անդրադառնալով իր և Աննա Հակոբյանի հնարավոր վերամիավորման մասին:
«Մեր ընտանիքի հետ կապված իրադրության մասով՝ կյանքը շատ ավելի բարդ է, քան` թատրոնը: Եթե մինչև հիմա չեք համոզվել դրանում, ձեր հետագա կյանքում անպայման կհամոզվեք:
Երբ Աննան հայտարարություն արեց, ես հայտարարեցի, որ հարգանքով եմ վերաբերվում այդ որոշմանը, բայց չհայտարարեցի, որ հաշտ եմ այդ որոշման հետ:
Բնականաբար այդ տրամաբանությամբ ջանքեր եմ գործադրել, որպեսզի ձեր ասած իրադարձությունը տեղի ունենա և ուրախ եմ, որ ևս մեկ շանս ունեմ, որպեսզի մեր ընտանիքը պահպանվի»,- նշեց Փաշինյանը:
