Վեդիի դեպքով Արարատի մարզային քննչական վարչության և Վեդիի քննչական բաժնի պետերը, ոստիկանության մարզային բարձրաստիճան պաշտոնյաներ ազատվել են աշխատանքից
Վեդիում անչափահասների բռնության գործի շրջանակում ՆԳՆ պաշտոնյաներ են աշխատանքից ազատվել, այս մասին լրատվամիջոցներին հայտնել է ՆԳՆ խոսնակ Նարեկ Սարգսյանը։«Քրեական ոստիկանության գլխավոր վարչության Արարատի մարզային վարչության պետ, ոստիկանության գնդապետ Սարիբեկ Ռուստամյանն ու Համայնքային ոստիկանության Վեդիի բաժնի պետ, ոստիկանության փոխգնդապետ Արմեն Մկրտչյանն ազատվել են պաշտոններից»,- հայտնել է Սարգսյանը։
Քննչական կոմիտեից ԶԼՄ-ներին հայտնել են, որ Արարատի մարզային քննչական վարչության պետ Տիգրան Շոխոյանը և Վեդիի քննչական բաժնի պետ Լեռնիկ Վարդանյանն ազատվել են պաշտոններից։
Ըստ տեղեկությունների՝ նրանց ազատումը ևս կապված է Վեդիի մանկապղծության դեպքի հետ:
