Ջավախքի հայաթափումը չի բխում Վրաստանի շահերից
Արտյուշ Գրիգորյանը ֆեյսբուքյան իր էջում գրում էՕրերս Ախալքալակի շրջանային ժողովը հանդես է եկել կարևոր նախաձեռնությամբ, ըստ որի Ախալքալակի և շրջանի գյուղերի ցուցանակներին, բացի վրացերենից պիտի լինեն նաև հայերեն նշագրումներ։ Ինչպես ասում են՝ լավ է ուշ, քան ավելու ուշ։ Հայերեն նշագրումով շեշտվում է, որ այդտեղ հայեր են ապրում։ Ոզում եմ հավատալ, որ եթե իսկապես այն կյանքի կոչվի, և մանավանդ, գյուղերի ցուցանակներին նույնպես ավելանան հայերեն տառեր, ապա սա Վրաստանի իշխանության՝ հայ ազգաբնակչության հանդեպ վերաբերմունքի որոշակի դրական փոփոխության հետևանք է, և ավելի առաջ գնալով կրկին հավատալ, որ հայաթափման քաղաքականությունը հանվել է օրակարգից և ոչ թե հետաձգվել։ Վրաստանի իշխանությունն արդեն համոզվում է, որ Ջավախքի հայաթափումը չի բխում Վրաստանի շահերից, որովհետև հայաթափումից հետո այնտեղ արագ տեմպերով լցվելու են թուրքերը, ինչի հետևանքով Վրաստանի գոյությունը հայտնվելու է կասկածի տակ։
