Ալիևն իր կնոջը նշանակել է Ադրբեջանի առաջին փոխնախագահ
Ադրբեջանի նախագահ Իլհամ Ալիևը երեքշաբթի ստորագրել է իր կնոջը՝ Մեհրիբան Ալիևային, Ադրբեջանի առաջին փոխնախագահ նշանակելու վերաբերյալ հրամանագիր, հայտնում է «Թրենդ» գործակալությունը: Հիշեցնենք, որ սեպտեմբերի 26-ին Ադրբեջանում կայացել էր երկրի սահմանադրությունում փոփոխություններ կատարելու վերաբերյալ հանրաքվե: Սահմանադրական փոփոխություններով նախատեսվում է նախագահի պաշտոնավարման ժամկետը հինգ տարուց երկարաձգել յոթի, ներդնել առաջին փոխնախագահի և փոխնախագահների պաշտոններ, ինչպես նաև նվազեցնել երկրի նախագահի և պատգամավորի թեկնածուների համար գործող տարիքային շեմը:
