Սևանա լճում պայթուցիկ է հայտնաբերվել. Լուսանկարներ
Այսօր 15:00-ի սահմաններում ձկնորսների կողմից ահազանգ է ստացվել, որ Սևանա լճի ափին մոտ նկատվել է նռնակ: Որս անելիս ձկնորսը ոտքի տակ հայտնաբերել է առարկա, պարզելով, որ հայտնաբերածը նռնակ է ձկնորսը վախից այն նորից ջուրն է նետել և ահազանգել փրկարարներին:ԱԻՆ հատուկ ջրափրկարար Վահե Մելքոնյանը Hayacq.com--ի հետ
զրույցում նշեց, որ գնացել են ահազանգի հետքերով՝ վնասազերծել պայթուցիկ սարքը: Պարզվել
է, նռնակը գտնվել է ափից 10 մետր հեռավորության և 1 մետր խորության վրա: Նռնակը եղել
է ժանգոտած՝ ինչը նշանակում է, որ այն տևական ժամանակ գտնվել է ջրում և, բարեբախտաբար, չի պայթել:
Պայթուցիկը Ф1 տեսակի
ռուսական արտադրության նռնակ է եղել: Մեր զրուցակցի փոխանցմամբч ցամաքում պայթելու դեպքում,
այն վնաս է հասցնում 200 մետր շառավիղով, իսկ ջրային տարածքում նրա սահմանը կրճատվում
է մինչև 100 մետր շառավիղ:
