Կարծախում բացվեց Ջիվանու տուն-թանգարանի հուշային մասը, իսկ թանգարանի այցելուները նույնիսկ թուրքերն են. Լուսանկարներ
Նախօրեին Ջավախքի Կարծախ գյուղում տեղի ունեցավ
ամենամյա բնույթ կրող Ջիվանու օրվան նվիրված տոնակատրությունը: Տոնական օրը սկսվեց գյուղի Սուրբ
Հովհաննես Մկրտիչ եկեղեցում մատուցված Սուրբ և Անմահ Պատարագով: Այնուհետև տեղի ունեցավ
Ջիվանու նորաստեղծ տուն-թանգարանի հուշային հատվածի բացումը՝ այն հատվածը, որտեղ ապրել
է Ջիվանին:
Հիշեցնենք, որ Ջիվանու տուն-թանգարանը
բացվել է 2016 թ. օգոստոսի 27-ին: Այն կառուցվել և բարեկարգվել է «Ջավախքին աջակցություն» հիմնադրամի կողմից (ՋԱՀ):
Տոնակատարության հանդիսավոր արարողությանը ներկա էին Հայաստանի Հանրապետության և Վրաստանի իշխանությունների ներկայացուցիչներ, մշակույթի գործիչներ և այլ հյուրեր:
«Ջավախքին աջակցություն» հիմնադրամի
տնօրեն Աշոտ Հակոբյանը շատ
կարևորեց Կարծախ գյուղում Ջիվանու տուն-թանգարանի բացումը:
Նրա խոսքով, մեկ տարվա ընթացքում շուրջ 2000 այցելու է եղել տարբեր երկրներից, նույնիսկ Թուրքիայից:
Աշոտ Հակոբյանը նաև նշեց, որ Ջիվանու
տուն-թանգարանի բացումն ունի սոցիալական նշանակություն հատկապես
տուրիզմի տեսանկյունից։
