Ինչպե՞ս վերացնել այտուցը, որո՞նք են այտուցի վտանգավոր պատճառները          Մոնտաժված ձայնագրության հիման վրա անհնար է սկսել վարույթի հարուցում․ Գագիկ Ջհանգիրյանը կարգապահական պատասխանատվության չի ենթարկվի․ ԲԴԽ       Տեսանյութ.Զավեշտալի է.Հունիսի 3-ի գործով 2 տղամարդ նույն բառերով ցուցմունք են տվել. որոշեցի գտնել սիամական երկվորյակներին    

20 դեկ 2017 18:30

ՀՀ-ում 40 ձայնով նախագահ չի ընտրվելու․ Վարդանյանը՝ ընդդիմությանը

 ՀՀ-ում 40 ձայնով նախագահ չի ընտրվելու․ Վարդանյանը՝ ընդդիմությանը
Ոչ կուսակցությունում, ոչ էլ մեր գործընկեր կուսակցության հետ որևէ քննարկում չենք արել։ ԱԺ-ում լրագրողների հետ զրույցում նշեց ՀՅԴ խմբակցության քարտուղար Աղվան Վարդանյանը` ի պատասխան հարցի, թե արդյոք ՀՅԴ-ն սեփական նախագահի թեկնածու կառաջադրի:
«Ժամանակը գա, կտեղեկացնենք մեր որոշման մասին», - նշեց նա։
Խոսելով «Ելք»-ի կողմից Արտակ Զեյնալյանին նախագահի թեկնածու առաջադրելու մասին՝ Աղվան Վարդանյանը նշեց, որ դա ընդդիմության իրավունքն է։ Միևնույն ժամանակ պատգամավորը հիշեցրեց, որ «Ելք»-ը նաև առաջարկել էր ԱԺ նախագահի թեկնածու։

«Եթե հիշում եք, «Ելք» դաշինքը նաև ԱԺ նախագահի թեկնածու էր առաջարկել։ Կարծեմ՝ 9 ձայն ստացավ: Ինձ համար, եթե որևէ նախաձեռնություն ես անում, ապա դա պետք է ունենա հեռանկար, բայց իրենք այլ կերպ են մտածում։ Իրենց իրավունքն է», - նշեց նա։
Անդրադառնալով «Ծառուկյան» խմբակցության հետ «Ելք»-ի հավանական համագործակցությանը՝ Աղվան Վարդանյանն ընդգծեց, որ անգամ այդ դեպքում դժվար թե հնարավոր լինի ձայների մեծամասնություն ապահովել։

«Եթե անգամ «Ելք» -ին հաջողվի համոզել «Ծառուկյան» խմբակցությանը, ապա նրանք կունենան 40 ձայն, իսկ ՀՀ-ում 40 ձայնով նախագահ չի ընտրվելու։ Առաջին փուլով նախագահ ընտրվելու է ձայների 3/4 -րդով։ Եթե առաջին փուլում չհաջողվեց ընտրել նախագահ, ապա 2/3-րդ ձայներով և այլն։ 40 ձայնով ոչ մի կերպ 51 տոկոս չի կազմում», - նշեց նա։

Դիտարկմանը՝ ինչո՞ւ իշխանությունն ընդդիմության ներկայացուցչին չի ուզում զիջել նախագահի պաշտոնը՝ հաշվի առնելով, որ նոր Սահմանադրությամբ նախագահն այդքան լիազորություններ չի ունենալու, Աղվան Վարդանյանը նշեց. «Ընդդիմությունը դիմել է ընդդիմությանը, որպեսզի միավորվեն։ Թող իրենք ամբողջովին միավորվեն, նոր այդ հարցը կքննարկենք», - ասաց նա:
Հիշեցնենք, որ «Ելք» խմբակցությունը 2018-ին նախագահի թեկնածուի համար առաջարկել է խմբակցության պատգամավոր Արտակ Զեյնալյանի թեկնածությունը։










Մեկնաբանություններ


Համընկնող լուրեր