Մարդիկ աստվածներից են աղերսում իրենց առողջությունը՝ նրանց հայտնի չէ, որ հենց իրենք կարող են ներգործել սեփական առողջության վրա
Հունվարի
20–ին Սթրեսի և ցավի կառավարման
կենտրոնում տեղի ունեցավ «ՍԹՐԵՍԸ ԼՐԱԳՐՈՂԻ ԱՇԽԱՏԱՆՔՈՒՄ» սեմինարը: Թեման արդիական էր և քննարկումն օգտակար ներկա լրագրողների
համար: Տեսական մասում, սեմինարավար, հ.գ.թ. Սոնա Հարությունյանն անդրադարձավ սթրեսի
դրական և բացասական կողմերին, սթրեսակայունության գործոններին, և առանձնացրեց լրագողի
աշխատանքում հաճախ հանդիպող սթրեսների պատճառները: Հետաքրքրական էին նաև սթրեսային
վիճակի և սթրեսակայունության գնահատման թեստերը, որոնք անցկացվեցին սեմինարի գործնական
մասում, և ամփոփվեցին անհատական քննարկումով: Սոնա Հարությունյանը առաջարկեց նաև չմոռանալ Դեմոկրիտի
հետևյալ խոսքերը. «Մարդիկ աստվածներից են աղերսում իրենց առողջությունը: Նրանց հայտնի չէ, որ հենց իրենք կարող են ներգործել սեփական առողջության վրա», և հոգ տանել սեփական հոգեկան
առողջության մասին, մասնակցելով նման սեմինարների, թրեյնինգների, որոնք անշուշտ նպաստում
են և տեղեկացվածության բարձրացմանը, և սեփական ռեսուրսների վերհանմանը:
Հաշվի առնելով մասնակից լրագրողների ակտիվությունը`
Սթրեսի և ցավի կառավարման կենտրոնն իր գործունեության մեջ շարունակական է դարձնելու
հանդիպումները լրագրողների հետ, նրանց մասնագիտությանն անհրաժեշտ տարբեր հոգեբանական
թեմաների շուրջ:
