Տեսախցիկներին հետևող աշխատակիցները խախտումներից շատ մեքենայի մեջ սիրով զբաղվող զույգին են նկարում. Տեսանյութ
Հայացք մամուլի ակումբում Տնտեսական իրավունքի կենտրոն» ՀԿ նախագահ, տնտեսագետ Մովսես Արիստակեսյանը և վարորդների իրավունքների պաշտպան-փաստաբան Արտակ Խաչատրյանը խոսեցին կարմիր գծերի ապօրինի վճարի, ճանապարհային երթևեկության կանոնների իրավախախտումների շուրջ:Մովսես
Արիստակեսյանի խոսքով, բազմաթիվ վարորդներ նյարդեր ու ժամանակ խնայելու համար «գլուխ չեն դնում» և սուսուփուս տանում, «Կարմիր գծերի» տուգանքները վճարում են, սակայն այս ոլորտում Սահմանադրությանը հակասող մի շարք կետեր կան: Նախ` վարորդները պատշաճ չեն տեղեկացվում` ինչպես որ օրենքն է պահանջում և առանց նրանց գիտության տուգանքները կրկնապատկվում են ու մի կլորիկ գումար դառնում: Ըստ նրա, ծանուցումը տեղ չհասնելուց հետո դրվում է azdarar.am կայքում, մինչդեռ օրենքում չի պահանջվում, որ վարորդները պարտավոր են ինտերնետից օգտվել իմանալ, և դրա համար համապատասխան տեխնիկա ունենալ.«Քաղաքակիրթ աշխարհում վաղուց գոյություն չունեն «Կարմիր գծեր» և աշխարհում տեսախցիկներով
կանխարգելում են, ոչ թե պատժիչ գործողություն կատարում քաղաքացիների նկատմամբ»,-ասաց
Մովսես Արիստակեսյանը:
Նա նաև նշեց, որ «Կարմիր գծերը» մեկ անձին նվիրված բիզնես է` անպատիժ փող աշխատելու: Նրա խոսքով, կան արտոնյալներ, որոնք չեն էլ տուգանվում` չթույլատրված վայրերում կանգնելու համար, ինչպես օրինակ Երեւանի քաղաքապետարանի դիմաց կանգնող ավտոմեքենաներն են, որոնք քաղաքապետարանի աշխատակիցների ավտոմեքենաներն են. «Դրանք ողջ օրը կայանում են դեղին գծերի վրա` չթույլատրված վայրում, սակայն նրանց նկատմամբ տուգաներ չեն կիրառվում»,-ասաց նա
և որպես ասվածի ապացույց, մի քանի լուսանկարներ տրամադրեց մեզ:
Արտակ Խաչատրյանի խոսքով էլ «Կարմիր գծերի»
ակտերում նշված է, որ վարորդին տուգանել են լուսանկարի և տեսախցիկի տեսանյութի հիման վրա, սակայն ոչ բոլոր
«Կարմիր գծերն»
են կահավորված տեսախցիկով և եթե վարորդը պահանջի տեսանյութը, ապա քաղաքապետարանը չի կարող այն տրամադրել, քանի որ այն, պարզապես գոյություն չունի: Նման դեպքերում, գործը կարճում են:
Արտակ
Խաչատրյանը նաև ասաց, որ վարորդների խնդրանքով տեսանյութերն ուսումնասիրելիս, զավեշտալի դեպքեր է հայտնաբերել. «Տեսախցիկներին հետևող աշխատակիցները, որոնք սովորաբար խախտումը մեկ րոպեից ավել չեն անում, կամ եթե անում են, ապա մի 10 վայրկյանով ավել, 3-4 րոպե նկարահանում են կայանված ավտոմեքենայում տեղի ունեցածը. «Տղա-աղջիկ, ինչ ասես չեն անում նրանք այդ բոլորը նկարահանում են, կամ խախտում թույլ տված մեքենայի վրա մի քանի վայրկյան պահում են, ապա տեսախցիկով հետևում, ասենք` կարճ շրջազգեստով աղջկան, որը մոտակայքով անցնում է»:
