Տղամարդը դանակի հարվածներով սպանել է պատահական անցորդին
Մոսկվայում ձերբակալել են 44-ամյա տղամարդուն, որին սպանության մեղադրանք են ներկայացրել: Հանցագործի զոհը դարձել է պատահական անցորդը: Սպանության պահը նկարահանել է մերձակա բնակելի տներից մեկում տեղադրված տեսախցիկը: Իրավապահ մարմինների տվյալներով Մոսկվայի Լիանոզովոյի շրջանի փողոցներից մեկում հանկարծակի վեճ է բռնկվել երկու տղամարդու միջև: Նրանք անցել են ձեռնամարտի, որի ժամանակ ընկել են գետնին:
Գլխաշորով տղամարդը սկսել է դանակի բազմաթիվ հարվածներ հասցնել մյուս տղամարդուն, որից հետո փախուստի է դիմել: Տուժածը փորձել է կանգնել, սակայն չի կարողացել, իսկ մի քանի վայրկյան անց կորցրել է գիտակցությունն ու տեղում մահացել:
