Արամ Սարգսյանն ու Էդմոն Մարուքյանը միացան վիրավոր Փաշինյանին. «Ելք»-ը Բաղրամյանում է
ԱԺ «Ելք» խմբակցության ղեկավար, «Իմ քայլը» նախաձեռնության առաջնորդ Նիկոլ Փաշինյանը, դուրս գալով «Նաիրի» բժշկական կենտրոնից, ուղևորվեց Բաղրամյան պողոտա և միացավ ցուցարարներին:Բաղրամյան պողոտա են եկել նաև ԱԺ «Ելք» խմբակցության պատգամավորներ Էդմոն Մարուքյանը, Արամ Սարգսյանը, Գևորգ Գորգիսյանն ու Մանե Թանդիլյանը։
Հիշեցնենք՝ նրանք չէին միացել Փաշինյանի շարժմանը, բայց հայտարարել էին, որ «եթե իրենց որևէ գործընկերոջ քթից արյուն գա, տեղում կլինեն»։
Լրագրողների դիտարկմանը, թե արդյոք այս քայլով իրենք ցույց են տալիս, որ միանում են «Քաղաքացիական պայմանագրին», Էդմոն Մարուքյանն ասաց.
«Դա նշանակում է՝ բոլորս այստեղ ենք, որ բռնություն չլինի»:
