ԴՆԹ վերլուծությունը օգնել է գտնել 18 տարեկան աղջկան սպանողներին՝ 30 տարի անց
18-ամյա Ինգա Մարիա Հաուզերը սպանվել էր հանելուկային հանգամանքներում՝ 1988 թվականին։ Երեսուն տարվա ընթացքում փոփոխվել են դետեկտիվները, սակայն լուրջ առաջընթաց հետաքննությունը չի արձանագրել։Ամեն ինչ տեղի է ունեցել 1988 թվականին, երբ Ինգան պետք է Քարդիֆում հանդիպեր իր ընկերոջ հետ, սակայն վերջին պահին, անհայտ պատճառներով, նա փոխել է հանդիպման վայրը,– հաղորդում է Daily Mail-ը։
Վերջին անգամ Հաուզերին տեսել են ապրիլի 6-ին՝ Շոտլանդիայից Հյուսիսային Իռլանդիա ուղևորվող նավի վրա։ Իսկ ապրիլի 20-ին նրա դին գտել են Բալիպատրիկ անտառի հեռավոր մացառում։ Ոստիկանությունը մարմնի վրա դաժան բռնության հետքեր է հայտնաբերել։
Հետաքննությունը ոչ մի կերպ չէր կարողանում առաջ շարժվել, սակայն հետո նրանց հաջողվել է գտնել ենթադրյալ հանցագործների ԴՆԹ նմուշները։ Այսպիսով, կասկածյալների ցուցակում միանգամից մի քանի հոգի է հայտնվել՝ կանայք և տղամարդիկ։ Կանանց ինքնությունը հայտնաբերվել է ոստիկանության տվյալների գենետիկ բազայում, սակայն, ըստ հետախույզների, գլխավոր հանցագործը տղամարդ է եղել։
Հենց ԴՆԹ վերլուծությունն է երեսուն տարի անց օգնել պարզել ենթադրյալ հանցագործների անունները։ 18-ամյա աղջկա նկատմամբ սպանություն իրականացնողները երկու տղամարդիկ են եղել, որոնցից մեկը հիմա 58, մյուսը՝ 61 տարեկան է։ Մեղադրյալներին բռնել են Հյուսիսային Իռլանդիայում։ Նրանք այժմ ձերբակալված են և ցուցմունք են տալիս։
