Պատվեր է. Վարդան Ղուկասյանն՝ իր դեմ մահափորձի մասին
Գյումրեցին այնպիսի բնավորություն ունի, որ երբ տեսնի ապօրինի հարստացած ինչ–որ մեկը կա իր սենյակում նստած, նա այդքան ձայն չի կարող հավաքել։ Այս մասին, այսօր՝ մայիսի 31-ին, ԱԺ-ում լրագրողների հետ զրույցում նշեց «Ծառուկյան» խմբակցության պատգամավոր, Գյումրիի նախկին քաղաքապետ Վարդան Ղուկասյանը:Անդրադառնալով իր ունեցվածքին ու իր հետ կապված սկանդալային միջադեպերին, Վարդան Ղուկասյանն ասաց, որ լրագրողները պատվերով են իրեն նման հարցեր տալիս. «Հիմա մեր երկրում քանի՞ հոգի հարուստ կա որ: Ես Խորհրդային Միության ժամանակահատվածում մինչեւ էս վերջերս ունեցել եմ մեծ գործարաններ, աշխատել եմ, գուլպա նասկեղենից սկսած, առաջին կոոպերատիվը բացվել է իմ կողմից Լենինականում: Ամբողջ քաղաքը դրսում եւ ներսում գիտեն, փոքրուց մենք աշխատող մարդիկ ենք եղել իմ եղբայրների հետ միասին: Թողել եք միլիարդները, ընկել եք ինչի հետեւից»,-ասաց նա:
Վարդան Ղուկասյան անդրադարձավ նաեւ իր նկատմամբ 11 տարի առաջ տեղի ունեցած մահափորձին՝ աելով. «Կապրենք կտեսնենք, կբացահայտվի, թե ոչ: 4 հոգի աշխարհի, Եվրոպայի օլիմպիական չեմպիոններ, քաղաքապետը եւ քաղաքապետի տեղակալը գալիս են, Երեւանի ճանապարհին սպանում են, անցնում է 11 տարի, մինչեւ էսօր քարկոծել են: Ովքեր որ հայրենասեր են, ովքեր որ ժողովրդի կողքին կարող են կանգնել, ինչ պայմաններում են լինի այդպիսի մարդը չպետք է տեղ ունենա»:
Հարցին, թե կասկածներ ունե՞ք ովքեր են, պատգամավորը պատասխանեց. «Միայն քաղաքականությունը, ուրիշ ոչ մի բան։ Ես անուններ չեմ կարող ասել, իրավապահ մարմինները պետք է պարզեն, եթե ցանկանան, կպարզեն»:
Դիտարկմանը, թե պատրա՞ստ եք համագործակցել իրավապահ մարմինների հետ, ցուցմունք կտա՞ք, Վարդան Ղուկասյանը բարկացավ. «Գողական ես գնո՞ւմ, տղա ջան, ցուցմունք կտասը որն է, տղա ջան»:
