Արդյո՞ք Արցախի տարածքի և ժողովրդի նկատմամբ Ադրբեջանն ունի որևէ իրավունք          Հրապարակում եմ փաստ,թե ինչպես են արյունով պահված հողերը հանձնվել Ադրբեջանին       Եթե կրկին փորձեն վերակենդանացնել հայկական ֆաշիզմը, ապա կկործանվեն.Ադրբեջանը թույլ չի տա Հայաստանին՝ վերականգնել իր ռազմական և քաղաքական ռեսուրսները. . Ադրբեջանի անվտանգության խորհրդի ղեկավար    

04 հուն 2018 17:37

Աննա Հակոբյանը՝ ՀԺ խմբագրի աշխատանքից հրաժարվելու մասին

Աննա Հակոբյանը՝ ՀԺ խմբագրի աշխատանքից հրաժարվելու մասինԵրևանի պետական համալսարանի ուսանողների հետ հանդիպմանը «Հայկական ժամանակ» թերթի խմբագիր, ՀՀ վարչապետ Նիկոլ Փաշինյանի տիկին Աննա Հակոբյանը խուսափում էր քաղաքական ենթատեքստերով հարցերին պատասխանել՝ նշելով, թե հասցեատերն ինքը չէ:
Ուսանողներից մեկը հետաքրքրվեց, թե 2012թ.-ին, երբ Նիկոլ Փաշինյանը ԱԺ պատգամավոր ընտրվեց, կարգավիճակի փոփոխությամբ դադարեցրեց խմբագրական գործունեությունը, արդյո՞ք Աննա Հակոբյանը ևս պատրաստվում է կարգավիճակի փոփոխությամբ դադարեցնել նույն գործունեությունը: Աննա Հակոբյանը պատասխանեց, որ ինքը կառչած է իր գործին և շատ դժվար է բաժանվել «Հայկական ժամանակ» օրաթերթի գլխավոր խմբագրի պարտականություններից:

«Բայց փաստն է այն, որ այս պահին դրությամբ առնվազն 2 ամիս է՝ չեմ կարողացել կատարել իմ աշխատանքը, և հետո ծանոթներս, բարեկամներս հուշում են, որ էթիկայի տեսակետից ճիշտ չի լինի, որ նոր կարգավիճակի բերումով ես շարունակեմ մնալ:
Մինչ վերջին պահը ես վստահ էի, որ կարող էի լուծում գտնել, բայց այս օրինակից հետո, երբ չկարողացա ձեր հարցին պատասխանել, արդեն սկսում եմ անհանգստանալ, և կարծում եմ՝ այդ հարցին լուծում կգտնվի, ինչքան էլ ես չուզենամ: Այս պահին ուղղակի դեռևս պատրաստ չեմ, որ անեմ, բայց իրավիճակը երևի կհանգեցնի դրան»,-ասաց նա:
Ուսանողների հետ հանդիպումից հետո Աննա Հակոբյանը նաև պատասխանեց լրագրողների հարցերին: Մասնավորապես լրագրողները հետաքրքրվեցին, թե հեղափոխությունից հետո «Նվիրի կյանք» հիմնադրամը փակվեց, արդյո՞ք ինքը պատրաստվում է աշխատել հիմնադրամի հոգաբարձուների խորհրդի հետ: Աննա Հակոբյանը պատասխանեց, թե չի կարող պատկերացնել մի իրավիճակ, երբ մանկական քաղցկեղով հիվանդ երեխաներին օգնելու շուրջ ինչ-որ թեմա է արծարծվում:

«Եթե կան մարդիկ, ովքեր սպասում են ինչ-որ խոսք լսել ինձանից, գնահատական, ապա իրենց հիասթափություն է սպասվում, ես ոչինչ չունեմ դրա մասին ասելու: Հույս ունեմ, որ բոլորը կաշխատեն և կկարողանան օգտակար լինել այդ երեխաներին»,-ասաց նա:
Նա նաև անդրադարձավ ուսանողների պայքարին և հարցին, թե ինչպես է գնահատում պայքարի նման միջոցները, Աննա Հակոբյանը նշեց, որ դա ուսանողների իրավունքն է:
«Ուսանողներն այն սերուցքն են, որ վաղը դառնալու են քաղաքացական ու քաղաքական դաշտի մտավորականությունը, և եթե ուսանողները ճնշված լինեն իրենց բողոքը անելու հարցում, դա լուրջ խնդիր կլինի երկրի, եթե կուզեք՝ նույնիսկ անվտանգության համար: Աշխարհում ուսանողներն ամենաակտիվ խավն են, և նրանց ղեկավարները՝ ռեկտորները պետք է պատրաստ լինեն նման իրավիճակին: Իհարկե, ցավում եմ, որ Արամ Սիմոնյանի համար նման իրավիճակ եղավ, բայց ուսանողները պետք է պատրաստ լինեն իրենց իրավունքները պաշտպանել, և ղեկավարությունն էլ լուծում տա նրանց բարձրացրած հարցերին»,-ասաց նա:

Մեկնաբանություններ

Համընկնող լուրեր