Պետական շահերը վեր են կուսակցական շահերից. Հայաստանի Հանրապետական կուսակցություն
Հայաստանի Հանրապետական կուսակցությունը, ընդդիմադիր լինելով, չի հավատում, որ անհրաժեշտ է այլ երկրների պատգամավորների առջեւ բարձրացնել ներքաղաքական խնդիրները: Այս մասին հունիսի 26-ին Ազգային ժողովում լրագրողների հետ հանդիպման ժամանակ հայտարարեց ՀՀ ԱԺ փոխխոսնակ, ՀՀԿ մամուլի քարտուղար Էդուարդ Շարմազանովը:Այնուհետեւ Շարմազանովը մեջբերեց Մեծ Բրիտանիայի հայտնի վարչապետ Ուինսթոն Չերչիլին: «Ես անողոք քննադատում եմ իմ երկրի ղեկավարությանը իմ երկրում, բայց երբեք ինձ թույլ չեմ տա քննադատել իմ երկրի կառավարությանը դրա սահմաններից դուրս: Իմ երկրի կառավարությունը իմ երկրի կառավարությունն է: Փաշինյանի կառավարությանը, հնարավոր է, ես քննադատեմ այստեղ, սկակայն Փաշինյանն իմ երկրի վարչապետն է, եւ արտերկում ես պետք է պաշտպանեմ թե՛ իր կառավարությանը, թե՛ Փաշինյանին, թե՛ Հայաստանի շահերը»,- ասաց ՀՀ ԱԺ փոխխոսնակը:
Շարմազանովը նաեւ ընդգծեց, որ ինքը ընտրվել է ՀՀ Ազգային ժողովի պատգամավոր, առաջին հերթին, իր երկրի պետական շահերը պաշտպանելու համար` ընդ որում, նշելով, որ յուրաքանչյուրը պետք է հանդես գա նաեւ միջազգային հարթակներում:
Նա վստահություն հայտնեց, որ նման իրավիճակներում անհրաժեշտ է տարանջատել անձնական եւ կուսակցական շահերը պետականից: «Կուսակցական գործունեության համար կան ներքին քաղաքական պայքարի տեղ եւ մեթոդներ, սակայն ոչ երբեք՝ միջազգային համաժողովների շրջանակներում», - եզրափակեց ՀՀԿ մամուլի քարտուղարը:
