Կարեն Կարապետյանի ծրագիրն ԱԱԾ-ում . Ապրիլի 25-ի ճակատագրական վրիպումը.տեսանյութ
Կարեն Կարապետյանը կլքի ՀՀԿ նախագահի առաջին տեղակալի պաշտոնը: ՀՀԿ խոսնակ Էդուարդ Շարմազանովը հայտարարել է, որ դա փախուստ չէ, այլ Կարապետյանը պարզապես նոր իրավիճակում քանի որ չի զբաղվում աշխույժ քաղաքականությամբ, նպատակահարմար չի գտնում զբաղեցնել այդ պաշտոնը: Իսկ արձագանքելով հարցին, որ Կարապետյանը ՀՀԿ նախընտրական դեմքն էր, ասել է, թե Նիկոլ Փաշինյանն էլ ժամանակին ՀԱԿ-ի դեմք էր, բայց հետո ստեղծեց Քաղաքացիական պայմանագիր կուսակցությունը:Արդյոք ՀՀԿ խոսնակը ակնարկել է, որ Կարեն Կարապետյանն էլ իր կուսակցությունն է ստեղծելու: Կարեն Կարապետյանն այդ ցանկությունն ունեցել է միշտ, անգամ այն ժամանակ, երբ մտնում էր ՀՀԿ: Կարապետյանն այդ առիթով հայտարարեց, թե առանց քաղաքական ուժի չէր լինի, նորը բացելու ժամանակ չկար, իսկ ՀՀԿ-ից բացի էլ այլ տարբերակ չկա, եթե իշխող ուժը ՀՀԿ-ն է:
Հիմա Կարեն Կարապետյանը նոր կուսակցություն ստեղծելու ժամանակ ունի, ֆինանսներ նույնպես, եթե իհարկե չկա որեւէ կոռուպցիոն մեխանիզմի մեջ, որին կարող է հասնել ԱԱԾ-ն: Բայց ունի՞ այժմ կուսակցություն ստեղծելու ցանկություն Կարապետյանը: Ի՞նչ պետք է անի դրանով, հատկապես ապրիլի 25-ից հետո, երբ կատարեց թերեւս իր կյանքի ամենամեծ քաղաքական սխալը, որոշելով ի վերջո քաղաքականությամբ զբաղվել ամենաանհարմար պահին, երբ հենց այդ ժամանակ չէր կարելի եւ պետք չէր անել դա: Կամ, ավելի շուտ, պետք էր քաղաքականությամբ զբաղվել իշխանությունը թողնելու, ոչ թե պահելու միջոցով:
