Պետությունը կվճարի նաեւ 730 հազար դրամ աշխատավարձ ստացող դատավորների բնակարանի վարձը
Պետությունը դատավորներին եւս բնակարանի վարձի փոխհատուցում կտա: Այս մասին ՀԺ-ն տեղեկանում է կառավարության վաղվա նիստի օրակարգից: Նախագծի համաձայն՝ իր բնակավայրից դուրս դատավոր նշանակված անձը Երեւանում կստանա 100 հազար ՀՀ դրամ, իսկ, իսկ այլ վայրերի դեպքում՝ 70 000 դրամ:Այս նախագիծը զեկուցելու է արդարադատության նախարար Արտակ Զեյնալյանը: Հավանականությունը մեծ է, որ այն կարժանանա կառավարության հավանությանը: Ի դեպ, նշենք, որ «Բարձրաստիճան պաշտոնատար անձանց վարձատրության մասին» ՀՀ օրենքի համաձայն՝ դատավորների միջին աշխատավարձը 730 հազար ՀՀ դրամն է: Նախագծի համաձայն՝ բնակվարձի գումարը փոխհատուցվում է Բարձրագույն դատական խորհրդին ուղղված դատավորի դիմումի հիման վրա: Որոշումը, եթե ընդունվի, ապա օրենքը կգործի 2019 թվականի հունվարի 1-ից:
Մինչ այս կառավարությունը նման մի որոշում էլ ընդունեց կառավարության անդամների բնակվարձի մասով: Երեւան գործուղված նախարարներին սահմանված կարգով կտրվի մինչեւ 100 հազար ՀՀ դրամ:
