Ազատ են արձակվել Վովա Գասպարյանի թիկնազորի պետի եղբայրն ու ընկերները
Վերաքննիչ քրեական դատարանը բավարարել է վերաքննիչ բողոքներն ու կալանքից ազատ արձակել Էրեբունիում անչափահասին ծեծելու գործով կալանքի տակ գտնվող Գագիկ Ազարյանին, Սարգիս Բաղդասարյանին, Վլադիմիր Մխիթարյանին և Սարգիս Հակոբյանին: Այս մասին Tert.am-ի հետ զրույցում ասել է պաշտպան Էրիկ Ալեքսանյանը:Սարգիս Հակոբյանը ՀՀ նախկին ոստիկանապետ Վլադիմիր Գասպարյանի թիկնազորի պետ Արշակ Հակոբյանի եղբայրն է:
Գագիկ Ազարյանին, Սարգիս Բաղդասարյանին և Վլադիմիր Մխիթարյանին մեղադրանք է առաջադրվել ՀՀ քրեական օրենսգրքի 258-րդ հոդվածի 3-րդ մասի 1-ին կետով, իսկ Սարգիս Հակոբյանին՝ 258-րդ հոդվածի 4-րդ մասով՝ խուլիգանություն՝ որպես զենք օգտագործվող առարկաների գործադրմամբ։
