Տեսանյութ.Խավարման կարգ` ի հիշատակ Քրիստոսի մատնության և չարչարանքների          Մարտի 29-ին կդադարեցվի հետևյալ հասցեների ջրամատակարարումը       Տեսանյութ.Ավագ Հինգշաբթի՝ Սուրբ Հաղորդության խորհրդի հաստատում, Խորհրդավոր ընթրիք    

05 հուլ 2018 13:57

Սերժ Սարգսյանի եղբորորդին կասկածվում է սպանության փորձի մեջ

Սերժ Սարգսյանի եղբորորդին կասկածվում է սպանության փորձի մեջՍերժ Սարգսյանի եղբոր՝ Ալեքսանդր Սարգսյան որդին՝ Հայկ Սարգսյանը, կասկածվում է սպանության փորձի մեջ: Տեղեկությունը հաստատել են Քննչական կոմիտեից:
Հիշեցնենք, որ նախօրեին Գլխավոր դատախազությունը հաղորդագրություն տարածեց, առ այն, որ դեռևս 2007թ. սպանության փորձի հատկանիշներով կարճված քրեական գործով նոր հանգամանքներ են ի հայտ եկել և կարճման որոշումը վերացվել է:


Մասնավորապես, 2018 թվականի հունիսի 29-ին Դ.Սիմոնյանը դիմում է հայտնել է, որ իր ուղղությամբ կրակել և մարմնական վնասվածքը պատճառել է ոչ թե Ա.Ղևոնդյանը, այլ Հայկ Ալեքսանդրի Սարգսյանը՝ իրենց տան առաջին հարկում գտնվող թիկնազորի համար նախատեսված սենյակում։
Այդ օրը նշված տարածքում կենցաղային հարցերի շուրջ վիճաբանել է ընկերոջ՝ Ա.Ղևոնդյանի հետ, երբ Հայկ Սարգսյանը, գտնվելով թմրանյութի ազդեցության տակ, սկսել է սպառնալ սպանել իրեն, ապա իր մոտ պահվող արտասահմանյան արտադրության ատրճանակից կրակել է իր որովայնին: Եվ մինչ Հ.Սարգսյանը շարունակել է սպառնալիքները, Ա.Ղևոնդյանը հասցրել է նրա ձեռքից վերցնել ատրճանակը։
Միևնույն ժամանակ Սիմոնյանը հայտնել է, որ կատարվածի մասին տեղեկացել է Հայկ Սարգսյանի եղբայրը՝ Նարեկ Սարգսյանը, և ավտոմեքենայով իրեն տեղափոխել են հիվանդանոց, որտեղ ենթարկվել է վիրահատության։
Գիտակցության գալուց հետո ոստիկաններին հայտնել է, թե իբր իրեն պատահաբար կրակել է Ա.Ղևոնդյանը, իսկ զենքը գտել են մանկապարտեզի մոտից, քանի որ Հ. և Ն.Սարգսյանները սպառնացել են, որ հակառակ դեպքում երկար չի ապրի։



20









Մեկնաբանություններ


Համընկնող լուրեր