Քրգործ հարուցելու հիմքեր կան. գլխավոր դատախազը՝ «Հանրային»-ում չարաշահումների մասին
«Հ1-ում առերևույթ եղել են հիմքեր քրեական գործ հարուցելու համար»,- այս մասին այսօր՝ հուլիսի 19-ին, լրագրողներին ասաց ՀՀ գլխավոր դատախազ Արթուր Դավթյանը՝ նշելով, որ դեռևս չի կարող անուններ տալ, քննության ընթացքում պետք է պարզվի, թե համապատասխան սխեմաների մեջ ովքեր ինչ ներգրավվածություն են ունեցել, և ում արարքում հանցակազմ կա:«Շատ ակնհայտ է, որ Հ1-ում առերևույթ հանցագործության փաստերն առկա են, որոնցով քրեական գործեր հարուցելու հիմքեր կան, իսկ մնացածը կքննվի, քրեական գործի ընթացքում կպարզվի էդ ամեն ինչը»,- ասաց ՀՀ գլխավոր դատախազ Արթուր Դավթյանը:
Գլխավորը դատախազը նշեց, որ կոնկրետ մարդկանց դեռ մեղադրանք չկա առաջադրված:
