Մայիսի 19-ին, ժամը 12 00 «Հայացք» մամուլի ակումբի հյուրերն են          Եթե Սյունիքին վտանգ սպառնա, ապա Իրանը զորք կուղարկի Հայաստան, պարսիկները ոչ ոքի չեն հարցնի       Եվրոպական խորհրդարանում հայ գերիների հարցի քննարկմանն դեմ Ադրբեջանը լոբբիստական գործունեություն է ծավալում    

29 օգոս 2018 14:40

Արման Մկրտումյանը վերակենդանացման բաժանմունքում է. նրա վիճակը կայուն ծանր է

Արման Մկրտումյանը վերակենդանացման բաժանմունքում է. նրա վիճակը կայուն ծանր է«Արման Մկրտումյանն այս պահին գտնվում է վերակենդանացման բաժնում: Նրա վիճակը կայուն ծանր է»,- Forrights-ի հետ զրույցում քիչ առաջ հայտնեց «Սուրբ Գրիգոր Լուսավորիչ» ԲԿ վերակենդանացման բաժնի հերթապահ բժիշկը: Վերջինս չկարողացավ այլ տեղեկություններ տրամադրել, նշելով, որ դեռ նոր է ընդունել հերթապահությունը և այլ մանրամասների չի տիրապետում, սակայն խոստացավ՝ 1 ժամից զանգահարելու դեպքում կհայտնի ավելիի մասին: Մեկ ժամ անց մեր զանգերն անպատասխան մնացին:             

Հիշեցնենք, որ երեկ երեկոյան ժամը 22:00-ի սահմաններում ՀՀ Կոտայքի մարզի Ձորաղբյուր գյուղում գտնվող՝ ՀՀ վճռաբեկ դատարանի նախկին նախագահ Արման Մկրտումյանի  առանձնատան տարածք են մուտք գործել  դիմակավորված ու զինված 3 անձ։ Տանտերերի ցուցաբերած դիմադրության արդյունքում ենթադրյալ հանցագործություն կատարած անձանցից մեկը վնասազերծվել է, մյուս երկուսը, ինքնաձիգից անկանոն կրակոցներ արձակելով, դիմել են փախուստի։ Դեպքի պահին տանն են եղել Արման Մկրտումյանը և նրա ընտանիքի անդամները։ Վճռաբեկ նախկին նախագահը հրազենյանին վնասվածք էր ստացել և Շտապ օգնության մեքենայով տեղափոխվել «Էրեբունի» ԲԿ:


«Էրեբունի» ԲԿ-ից Forrights-ին փոխանցեցին, որ Մկրտումյանը համապատասխան բուժօգնություն ստանալուց հետո լքել է հիվանդանոցը՝ հրաժարվելով հոսպիտալացվելուց. «Արման Մկրտումյանն «Էրեբունի» ԲԿ է տեղափոխվել հրազենային վնասվածքով: Նրա մոտ առկա էր ձախ գոտկային շրջանի և ձախ նախաբազկի ստորին երրորդականի հրազենային վնասվածք»,- մեզ հետ զրույցում հայտնեցին «Էրեբունի» ԲԿ-ից:             


Հավելենք, որ Ոստիկանությունն այսօր առավոտյան հաղորդագրություն էր տարածել այն մասին, որ դեպքի վայր ժամանած օպերատիվ խումբը պարզել է, որ Գյումրիի բնակիչ, 1976 թ. ծնված Հ. Ռիժենկոն և դեռևս չպարզված երկու անձինք զինված ինքնաձիգներով մուտք են գործել հիշյալ տուն, որտեղ Գոռ Մ.-ն հոր հետ դիմադրություն են ցույց տվել ինքնաձիգով զինված Հ. Ռիժենկոյին, ինչից հետո չպարզված երկու անձինք անկանոն կրակոցներ են արձակել և դիմել փախուստի:          
«Դեպքի վայրի զննությամբ տան բակից հայտնաբերվել է 16 հատ 7,62 տ/չ պարկուճ, «ԱԿՄ» տիպի ինքնաձիգ, սպորտային պայուսակ, որի մեջ եղել է կպչուն ժապավեն և լինգ: Հ.Ռիժենկոն ձերբակալվել է: Ձեռնարկվում են միջոցառումներ հանցագործություն կատարած 2 անձանց ինքնությունը պարզելու և հայտնաբերելու ուղղությամբ»,- ասված էր Ոստիկանության հաղորդագրության մեջ:             


Արդեն ավելի ուշ Քննչական կոմիտեն ևս հաղորդագրություն տարածեց այն մասին, որ դեպքի առթիվ հարուցվել է քրեական գործ ՀՀ քրեական օրենսգրքի 175-րդ հոդվածի 2-րդ մասի 1-ին, 3-րդ և 4-րդ կետերով, ՀՀ քրեական օրենսգրքի 235-րդ հոդվածի 1-ին մասով։ Առգրավվել  են տուժողի տան տարածքում գործող անվտանգության տեսախցիկների տեսագրությունները։             


Հիշեցնենք, որ Արման Մկրտումյանը ՀՀ Վճռաբեկ նախագահի պաշտոնում նշանակվել է 2008թ. սեպտեմբեր ամսին: Այդ պաշտոնում եղել է ավելի քան 10 տարի: 

Մեկնաբանություններ

Համընկնող լուրեր