Լիճը չորացնում են մարդասպանին գտնելու համար

Ներքին Սաքսոնիայում քննիչները հույս ունեն, որ չորացնելով Թիթիենզե լիճը, կհայտնաբերեն 25 տարի առաջ անհետ կորած կնոջ հետքերը։ Լճի ջուրը ուղղում են դեպի մոտակայքով հոսող Վեզեր գետը՝ գրում է facenews.ua-ը։
Այս տարվա օգստոսից անհետացած կնոջ այն ժամանակվա զուգընկերը կասկածվում է ընկերուհու սպանության մեջ և ցուցմունք է տալիս Բրեմենի դատարանում։ 58-ամյա տղամարդը իր հասցեին ուղղված բոլոր մեղադրանքները հերքում է։
Հետաքննության վարկածի համաձայն՝ նա կարող էր գնալ այդ հանցագործության, քանի որ կինը սպառնացել է, որ կլքի նրան՝ իր հետ տանելով նրանց համատեղ որդուն։
Կնոջ անհետանալուց 1 տարի անց ձկնորսները լճից հանել են մի տոպրակ, որտեղ կնոջ անձնական իրերն են գտնվել և նշանադրության մատանին։