Հայկական մաֆիան ռուսական-եվրասիական այլ հանցավոր խմբավորումների հետ մեծ ֆինանսներ ունի
Գերմանիայում ոստիկանությունը երեք տարի փորձել է ձերբակալել հայկական մաֆիայի անդամներին: Հայաստանի դեսպանատան օգնությունն ընդունել խորհուրդ չի տրվել, գրում է Spiegel-ը:«Պայքար օրենքով գողերի դեմ» գաղտնի գործողությունը կազմակերպել և իրականացրել է Քրեական ոստիկանության դաշնային գերատեսչությունը:Նշվում է, որ Գերմանիայում հայկական այդպիսի շրջանակը վերահսկվում է ռուսական-եվրասիական կազմակերպված հանցախմբերի կողմից:
Հետաքննությունն սկսվել է 2014-ի հուլիսին, երբ Էրֆուրտում հրաձգություն տեղի ունեցավ: 42 մարդու դեմ 14 քրեական գործ բացվեց: Նրանց կասկածում էին ֆինանսական մեքենայությունների մեջ:
Հայկական մաֆիան՝ ռուսական-եվրասիական այլ հանցավոր խմբավորումների հետ, մեծ ֆինանսներ ունի և կարող են սպառնալ իրավական պետության հիմքերին: Սակայն ապացույցների քիչ լինելու պատճառով հետաքննությունը դեռ մեղադրանքներ չի առաջադրել ու քրեական գործեր չի հարուցել:
Բեռլինում Հայաստանի դեսպան Աշոտ Սմբատյանը Գերմանիայի իրավապահներին առաջարկել է իր օգնությունը հայկական մաֆիայի դեմ պայքարում, սակայն Քրեական ոստիկանությունը խորհուրդ չի տվել չհամաձայնել, քանի որ չեն բացառել, որ օրենքով գողերը կարող են կապեր ունենալ Հայաստանի պետական կառույցների հետ:
