ՊՆ-ն զինվորական համազգեստի հայկական բրենդ է մշակել, որպեսզի գովազդվի բանակը
ՀՀ պաշտպանության նախարարության վարչական համալիրում տեղի ունեցած ասուլիսի ժամանակ ՀՀ պաշտպանության նախարարի պաշտոնակատար Դավիթ Տոնոյանը հայտնեց, որ ՀՀ պաշտպանության նախարարությունը «Armenian Army» անվամբ համազգեստներ կստեղծի:«Տարբեր երկրների զինված ուժեր ունեն իրենց զինվորական արանքանիշերը։ Այն, ինչ ես կրում եմ դիրքեր այցելելիս, ԶՈՒ պաշտոնական համազգեստը չէ։ Քանի որ ես քաղաքացիական եմ, կարծում եմ, որ չպետք է զինված ուժերի համազգեստ կրեմ։ Մենք այդպիսի բրենդ ենք մշակել, որպեսզի գովազդենք բանակը»,- ասաց Տոնոյանը՝ նշելով, որ այդ բրենդի հագուստները կարվելու են Հայաստանում։
