Գայլերը հարձակվել են մարդկանց վրա
Այս գիշեր Արևմտյան Վրաստանի Փարցխանականեբի գյուղում գայլերը հարձակվել և կծել են 5 մարդու: Այդ մասին հաղորդում է Վրաստանի Հանրային հեռուստաընկերությունը:Գայլերի հարձակումից տուժած տղամարդկանցից Մուրման Ցիբաձեն լրագրողներին պատմել է, թե ինչպես են գայլերը հարձակվել և կծել իրեն: Դեպքը տեղի է ունեցել այն ժամանակ, երբ տղամարդը նկատել է, որ իր շանը մեկ այլ շուն է հետապնդում և գնացել է կենդանուն օգնելու: Ավելի ուշ նա նկատել է, որ իր շանը գայլ է հետապնդել:
Գայլերի հարձակումից տուժածները դիմել են հիվանդանոց՝ բժշկական օգնություն ստանալու: Նրանք պատվաստվել են ու ներկայում բուժումը շարունակում են տան պայմաններում:
Փարցխանականեբի գյուղի բնակիչները խնդրել են վրացական իշխանություններին թույլատրել գայլերի որսը:
