Մեկնարկել է Փաշինյան-Պուտին հանդիպումը
Մոսկվայում մեկնարկել է ՀՀ վարչապետի պաշտոնակատար Նիկոլ Փաշինյանի և ՌԴ նախագահ Վլադիմիր Պուտինի հանդիպումը: Այս մասին Ֆեյսբուքյան իր էջում գրառում է կատարել ՀՀ վարչապետի մամուլի խոսնակ Արման Եղոյանը: «Քիչ առաջ մեկնարկեց Հայաստանի Հանրապետության վարչապետի պաշտոնակատար Նիկոլ Փաշինյանի և Ռուսաստանի Դաշնության նախագահ Վլադիմիր Պուտինի հանդիպումը»։РИА Новости-ն հայտնում է, որ Փաշինյանը հրավիրել է Պուտինին` 2019-ին պաշտոնական այցով Երևան այցելել: Պուտինն էլ հայտարարել է, որ Հայաստանի հետ հարաբերություններում դինամիկան պետք է պահպանել, այդ թվում` անվտանգության ոլորտում, ՀԱՊԿ-ի գծով և այլ միավորումներում:
Փաշինյանը հաստատել է, որ Հայաստանը մտադիր է զարգացնել ՌԴ-ի հետ հարաբերությունները բոլոր ուղղություններով, դրական է տրամադրված ԵվրԱզԷս-ի շրջանակում ինտեգրմանը:
