Ամանորի գիշերը Հասան Ռոհանին այցելել է զոհված հայ զինվորի ընտանիքին

Ամանորի գիշերն Իրանի նախագահ Հասան Ռոհանին այցելել է իրանա-իրաքյան պատերազմում զոհված հայ զինվոր Ալֆրեդ Գաբրիի ընտանիքին և շնորհավորել նրանց Ամանորի կապակցությամբ։ Ինչպես հայտնում է իրանական հեռուստատեսությունը, այդ հանդիպման ժամանակ Ռոհանին բոլոր քրիստոնյա հայրենակիցներին մաղթել է բարեբեր նոր տարի, և մատնանշելով Ալֆրեդ Գաբրիի ծնողների նվիրումն ու համբերությունը, ասել է․ «Ձեր որդին զոհեց կյանքը հանուն հայրենիքի․ որդի կորցնելը հեշտ բան չէ, բայց այն փաստը, որ Ձեր որդին դարձավ ֆիդայի հանուն ժողովրդի և հայրենիքի, նրա կարուստը դարձնում է տանելի»։ «Մեր հայ հայրենակիցները մահմեդական բնակչության հետ անձնվիրաբար պաշտպանել են երկիրը և այսօր պատրաստ են զոհել իրենց հանուն երկրի, դա արժանի է նրանց առջև խոնարհման»,- ասել է Իրանի նախագահը։ Ալֆրեդ Գաբին զոհվել է 1992 թվականին, 20 տարեկանում, Գիլան-է-Գերբ շրջանում։

Նյութի աղբյուր՝ shantnews.am