Ինչպես կարող են Երևանի իշխանություններն իրենց երկիրն անվտանգ համարել, երբ նրա տարածքի որոշ հատվածներ արդեն օկուպացված են ադրբեջանցիների կողմից          Գեղարքունիքի մարզում հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ       Պարզվել է վանաձորցի 20-ամյա հղի կնոջ մահվան պատճառը    

21 հուն 2019 17:35

Գերմանիան ռեկորդային թվով միգրանտների է արտաքսել

Գերմանիայի իշխանությունները 2018-ին 8658 ռեկորդային թվով ապօրինի միգրանտների են արտաքսել Եվրամիության մյուս երկրներ, հայտնում է Süddeutsche Zeitung-ը, վկայակոչելով Գերմանիայի ներքին գործերի նախարարության տվյալները: Մեկ տարի առաջ արտաքսվել է 7102 մարդ:
Նման գործողությունների հիմք է հանդիսանում Դուբլինյան համաձայնագիրը, ըստ որի՝ միգրանտներն ապաստան ստանալու համար պետք է դիմեն այն երկրում, որտեղ առաջին անգամ հատել են Եվրամիության սահմանը:
2018թ.-ին, ամեն երրորդ դեպքը, որը դիտարկել է միգրացիայի և փախստականների դաշնային գերատեսչությունը (BAMF), համապատասխանել է Դուբլինյան համաձայնագրի դրույթներին: 2018-ի հունվարից մինչև նոյեմբեր ընկած ժամանակահատվածում BAMF-ը, ընդհանուր առմամբ, 51.558 անգամ դիմել է ԵՄ այլ երկրների, Գերմանիայում հայտնված փախստականներին ընդունելու խնդրանքով: 35.375 դեպքերում հարցումների վերաբերյալ դրական պատասխան է ստացվել:
Առավել հաճախ՝ գրեթե յուրաքանչյուր երրորդ դեպքում, Եվրամիության ներսում փախստականներին արտաքսում են Իտալիա: 7205 փախստական վերադարձվել է Գերմանիա, նրանցից գրեթե կեսը ժամանել է Հունաստանից:
Հաղորդվել է նաև, որ Գերմանիայի բնակչությունը փախստականների ներհոսքի հետևանքով աճել է, ընդհանուր առմամբ, կես միլիոնով:

Մեկնաբանություններ


Համընկնող լուրեր