Պակիստանը շարունակելու է աջակցել Ադրբեջանին և չի ճանաչում Հայաստանին որպես պետություն
Պակիստանի նախագահ Արիֆ Ալվին Պակիստանի մայրաքաղաք Իսլամաբադում հանդիպում է ունեցել Ադրբեջանի պաշտպանության նախարար Զաքիր Հասանովի հետ: Հանդիպման ժամանակ Ալվին հայտարարել է, որ Պակիստանը Լեռնային Ղարաբաղի հակամարտության կարգավորման հարցում շարունակելու է աջակցել Ադրբեջանին։ Նա նաև հայտարարել է, որ Պակիստանը չի ճանաչում Հայաստանին որպես պետություն և հույս է հայտնել, որ հակամարտությունը շուտով կլուծվի Ադրբեջանի տարածքային ամբողջականության վերականգնմամբ։ Այս մասին հայտնում է Rusarminfo-ն։
Հետաքրքրական է, որ 2015թ-ին Աֆղանստանի և Պակիստանի սահմանին տեղի ունեցած երկրաշարժի կապակցությամբ, որը բազմաթիվ զոհերի պատճառ էր դարձել, Սերժ Սարգսյանը ցավակցական հեռագիր էր ուղարկել երկու երկրների նախագահներին՝ հայտնելով իր զորակցությունը, զոհվածների հարազատներին մաղթելով տոկունություն և ոգու արիություն, իսկ վիրավորներին՝ շուտափույթ ապաքինում:
Ընդունել ցավակցություն մի պետությունից, որը չի էլ ճանաչում և այդ պետության հակամարտության կողմ լինելով պատրաստակամություն հայտնել կողմերից մեկին պաշտպանելու հարցի կարգավորման գործընթացում, եթե ոչ տարօրինակ, ապա գոնե անտրամաբանական է։
